Mir sueche di!

Mechtsch guet drummlen oder pfyffe leehre? Denn kumm zer Seibi! Mir nämme Buebe und Maitli ab 8 Joor uff. D Yiebigsstunde sin jewiils am Donnschdig am viertel ab säggsi im Leonhard Gymmeli (Yygang Kanonegass 10).

Mee iber d Seibi erfaahre, d Inschtruggter kenne leehre, s Inschtrumänt teschte und Yyschriibe kasch du di am Samschdig, 14. Meerze 2020 zwische halb zwai und vieri im Restaurant Schnabel (wenns scheen isch hämmer e Stand voruss, wenns rägnet simmer im 1. Stogg).

Mir biete vor em offiziellen Iebigsstart zwai Schnupperleggzioonen im Gymnasium Leonhard (Yygang Kanonegass 10) aa:

  • Donschtig, 26. Meerze, 18:15 - 18:45
  • Donschtig, 02. April, 18:15 - 18:45


Bitte mäld di fir die Schnupperleggzioone vorgängig bi unserer JG-Obfrau Olivia (jg@seibi.ch) damit mer wisse wievyyl Kinder kemme und wievyyl Instrumänt mer mien zer Verfiegig stelle.

Wär het, darf syni Schleegel odr sy Piccolo grad mitbringe.

Hesch Inträsse?

Mir fraien ys sehr uff di 😀 🎶

Seibi_Flyer_Trommelschule_2020_A5_PrintSeibi_Flyer_Trommelschule_2020_A5_Print