Unseri Jungi Garde het dr Hattrick in dr Gmischte Grubbe und und dr Drummelgrubbe gschafft: s dritt Mool hinterenander hänn si z’ooberscht uff em Podäscht derfe stoo und derfe die baide Wanderpokääl jetzt fir immer bhalte. 

Usserdäm hänn die Junge Pfyffer dr super 2. Rang erspiilt und unseri Ella isch im Ainzel 2. worde, ihre dien mir no e speziells Kränzli winde! Mir sin alli sehr häppy 😊

Vyyle Dangg de Junge fir s flissige Yiebe und e riise Dangg de Inschtruggdoore Susanne & Basil fir s unermiedlige Coaching im Vorfäld und während em Aalass!

Au z’Oobe hänn d Seibianer-Finalischte top Laischtige brocht, d Drummelgrubbe isch uff em sehr guete 3. Rang platziert worde und mr gatuliere au den Alte nomol allne ze däne super Finalplätz!