Die Geschichte ist eine ewige Wiederholung… (Thukydides)

Uns’re Zug hän Ihr persee
vor 43 Joor scho gsee! 
Mit glyychem Goschdym, glyycher Lambbe
sin mir als Stamm go Cortège drambbe,
au uns’ri Larve und dr Zeedel
sin dupfeglyych – isch das nit eedel?
Das Joor - Ihr schyynet sehr verwundert -
no fascht eme halb’ Joorhundert
dien mir aifach unverhohle 
s «Uuspfuust»-Sujet wiederhoole,
als Alti Garde, logischerwyys. 
Um d Energie stoots zimmlig myys,
es gryyselet wieder uff dääre Wält,
dr Eelbryys isch in d Heechi gschnällt,
dr Strom wird knapp, und s Gas grad au –
wie in de Achz’ger Joor isch d Zuekunft grau.
Am Änd dien mer wieder- anstatt schaffe-
dur d Wälder renne, mit den Affe,
unrasiert, mit wildem Gschrey
und in Hehle lääbe mit de Sey…
Wie das denn mit de menschlig Wääse
wyter goot, das kasch im Zeedel lääse!