Mir sueche di!
Mechtsch drummlen oder pfyffe leehre? Denn kumm zer Seibi! Mir nämme Buebe und Maitli ab 8 Joor uff. D Yiebigsstunde sin fyr unseri Gnepf jewiils am Donnschdig am viertel ab säggsi im Leonhard Gymmeli (Yygang Kanonegass 10).
Kumm verby und loss dy iberziige: am 11. Meerze 2023 zwische halb zwai und halb vieri finde im Restaurant Schnabel Proobeleggzioone und Yyschriibe fir Neymitglieder statt.
Am 23. Meerze 2023 und am 30. Meerze 2023 git's usserdäm d Gläägehait zem an e Schnupper-Inschdruggzioon im Leonhard Gymmeli z koo. Träffpunggt isch am säggsi vor em Yygang an dr Kanonegass 10. Wär scho e Päärli Schleegel odr e Piccolo het bringts mit. Allne andere Schnuppergäscht stelle mer d Inschtrumänt gärn zer Verfiegig!
Bi Inträssi darfsch du di sehr gärn bi unserer JG-Obfrau Olivia (jg@seibi.ch) fir e Kurs aamälde.
Mir fraien ys sehr uff di 
